Xalqaro sport matbuoti assosiasiyasi (AIPS) 2021 yil yakunlarini sarhisob qildi.

Unga ko‘ra Italiyaning erkaklar futbol termasi eng yaxshi jamoa deb topildi. Yevro 2020 g‘oliblari 767 ta ovoz oldi.

Ikkinchi o‘rin 503 ovoz bilan “Bavariya”ga nasib etdi.

Kuchli uchlikni Argentina erkaklar terma jamoasi yakunladi. Amerika kubogi g‘oliblari 459 ovoz oldi.

Kuchli beshlikka, shuningdek, Chempionlar ligasi g‘olibi “Chelsi” (370 ovoz) va “Liverpul” (257 ta) ham kirgan.

Reytingda eng yaxshi futbol bo‘lmagan jamoa AQSH erkaklar basketbol jamoasi bo‘ldi. Tokio Olimpiadasi chempionlari 228 ta ovoz oldi.

Ayollar jamoalarining eng yaxshi futbol jamoasi- "Barselona". Uning hisobida 216 ta ovoz bor.

So‘rovda 114 davlatdan 529 nafar jurnalist ishtirok etdi.