Халқаро спорт матбуоти ассоциацияси (AIPS) 2021 йил якунларини сарҳисоб қилди.

Унга кўра Италиянинг эркаклар футбол термаси энг яхши жамоа деб топилди. Евро 2020 ғолиблари 767 та овоз олди.

Иккинчи ўрин 503 овоз билан “Бавария”га насиб этди.

Кучли учликни Аргентина эркаклар терма жамоаси якунлади. Америка кубоги ғолиблари 459 овоз олди.

Кучли бешликка, шунингдек, Чемпионлар лигаси ғолиби “Челси” (370 овоз) ва “Ливерпуль” (257 та) ҳам кирган.

Рейтингда энг яхши футбол бўлмаган жамоа АҚШ эркаклар баскетбол жамоаси бўлди. Токио Олимпиадаси чемпионлари 228 та овоз олди.

Аёллар жамоаларининг энг яхши футбол жамоаси- "Барселона". Унинг ҳисобида 216 та овоз бор.

Сўровда 114 давлатдан 529 нафар журналист иштирок этди.