"Manchester Yunayted"ning portugaliyalik hujumchisi Krishtianu Ronaldu jamoasining joriy mavsumdagi o‘yinlari haqida o‘z taassurotlari bilan o‘rtoqlashdi.
"Manchester Yunayted"ning natijalaridan mamnun emasman. Biz hammamiz baxsizmiz, men bunga aminman. Biz hozir ko‘ringanimizdan ko‘ra ko‘proq ishlashimiz, yaxshiroq o‘ynashimiz va yaxshiroq natija ko‘rsatish kerakligini bilamiz.
Yangi yil mavsumning burilish nuqtasi bo‘lsin! 2022 yilni ajoyib kayfiyat va kuchli ruhiyatda kutib olaylik. Keling, qo‘limizdan kelganini qilaylik, yulduzlarga erishaylik va bu klubni o‘z joyiga qaytaraylik! ”, — deb yozdi Ronaldu Instagram’da.
Krishtianu Angliya Premer-ligasining joriy mavsumida 15 ta o‘yinda maydonga tushib, 8 ta gol urdi va 3 ta golli uzatmani amalga oshirdi.
