Yangi Zelandiyaning “Oklend Siti” klubi koronavirus infeksiyasi tarqalishi bilan bog‘liq cheklovlar tufayli futbol bo‘yicha klublar o‘rtasidagi jahon chempionatida ishtirok etmaydi. Bu haqda FIFA matbuot xizmati xabar berdi.
Avvalroq Yangi Zelandiyada pandemiya sababli chegaralarni ochishni keyinga qoldirishga qaror qilingani ma’lum bo‘lgan edi. Mamlakatda hali ham Yangi Zelandiyaga qaytganidan keyin o‘zini o‘zi izolyasiya qilish tizimi mavjud.
Ma’lumot uchun, klublar o‘rtasidagi jahon chempionati 3-12 fevral kunlari BAAda bo‘lib o‘tadi. Turnir Yaponiyada o‘tkazilishi kerak edi, ammo mamlakat pandemiya tufayli musobaqani o‘tkazmaslikka qaror qildi.
