Янги Зеландиянинг “Окленд Сити” клуби коронавирус инфекцияси тарқалиши билан боғлиқ чекловлар туфайли футбол бўйича клублар ўртасидаги жаҳон чемпионатида иштирок этмайди. Бу ҳақда ФИФА матбуот хизмати хабар берди.
Аввалроқ Янги Зеландияда пандемия сабабли чегараларни очишни кейинга қолдиришга қарор қилингани маълум бўлган эди. Мамлакатда ҳали ҳам Янги Зеландияга қайтганидан кейин ўзини ўзи изоляция қилиш тизими мавжуд.
Маълумот учун, клублар ўртасидаги жаҳон чемпионати 3-12 февраль кунлари БААда бўлиб ўтади. Турнир Японияда ўтказилиши керак эди, аммо мамлакат пандемия туфайли мусобақани ўтказмасликка қарор қилди.
