Yangi mavsumga o‘z oldiga jiddiy maqsadlar qo‘ygan “Navbahor” yangi yilning ilk kunidan boshlab, o‘z tarkibini kuchaytirishda davom etmoqda.
Mahoratli yarim himoyachi Jamshid Boltaboyev jamoamiz bilan shartnoma imzoladi.
Boltaboyev 1996 yil, 3 oktyabr kuni mamlakatimiz poytaxti Toshkent shahrida tug‘ilgan. Jamshid futboldagi faoliyatini 2014 yili Toshkentning “Paxtakor” klubida boshlagan va poytaxtliklar tarkibida 2018 yil yakunigacha to‘p tepgan.
Futbolchi 2019 yilni mavsumni Jizzaxning “So‘g‘diyona” jamoasida boshlab, jizzaxliklar tarkibida 2021 yil yakunigacha o‘ynadi.
Shuningdek, Boltaboyev O‘zbekiston – U-17 hamda U-23 jamoalarida ham muvaffaqiyatli to‘p tepgan.
Ishonchimiz komilki, Jamshid Boltaboyev 2022 yilgi mavsumda “lochinlar”ning muvaffaqiyatlariga o‘z hissasini qo‘shadi.
