Янги мавсумга ўз олдига жиддий мақсадлар қўйган “Навбаҳор” янги йилнинг илк кунидан бошлаб, ўз таркибини кучайтиришда давом этмоқда.

Маҳоратли ярим ҳимоячи Жамшид Болтабоев жамоамиз билан шартнома имзолади.

Болтабоев 1996 йил, 3 октябрь куни мамлакатимиз пойтахти Тошкент шаҳрида туғилган. Жамшид футболдаги фаолиятини 2014 йили Тошкентнинг “Пахтакор” клубида бошлаган ва пойтахтликлар таркибида 2018 йил якунигача тўп тепган.

Футболчи 2019 йилни мавсумни Жиззахнинг “Сўғдиёна” жамоасида бошлаб, жиззахликлар таркибида 2021 йил якунигача ўйнади.

Шунингдек, Болтабоев Ўзбекистон – U-17 ҳамда U-23 жамоаларида ҳам муваффақиятли тўп тепган.

Ишончимиз комилки, Жамшид Болтабоев 2022 йилги мавсумда “лочинлар”нинг муваффақиятларига ўз ҳиссасини қўшади.