"Inter" va "Yuventus" Italiya Superkubogi uchun o‘yinni keyinga qoldirish tarafdori. "La Gazette Dello Sport" xabariga ko‘ra, ikkala klub ham A Seriya rahbariyatiga qo‘shma so‘rov yuborishgan. Sababi, mamlakatda koronavirus bilan bog‘liq vaziyat murakkablashgan.
Rasmiylarning javobida aytilishicha, liga va federasiya vaziyatni nazoratda ushlab turibdi, ammo hozircha taqvimni o‘zgartirish zaruriyatini ko‘rmayapti.
“Inter” – “Yuventus” uchrashuvi 12 yanvarga belgilangan. Bahs Milandagi "Juzeppe Meassa" stadionida bo‘lib o‘tishi rejalashtirilgan.
