Angliyaning «Manchester Siti» klubi yarim himoyachisi Rodri «Arsenal» (2:1) ustidan qo‘lga kiritilgan g‘alaba haqidagi fiklari bilan o‘rtoqlashdi.

«Mavsum mobaynida 2-3 ta shunaqa o‘yinlar bo‘lib turadi. Raqib turnir jadvalidagi o‘rniga munosab ekanligini ko‘rsatib qo‘ydi. Ular Mikel Artetaning qo‘l ostida o‘sishga erishgani tahsinga loyiq.

Bizdan farqli ravishda, ularda dam olish kunlari ko‘proq bo‘lganini bilib turgandik. Ularning hisobida o‘yinga tayyorgarlik ko‘rish uchun olti kun bor edi, biz esa bir haftada uchta o‘yin o‘tkazdik.

Ba’zida jismoniy holat qoniqarli bo‘lmasa, vazifa qiyinlashadi. Birinchi bo‘limda muammolarga duch keldik, ikkinchi bo‘limda esa nazoratni o‘z qo‘limizga oldik.

Odamlar bizdan har doim yuqori saviyali o‘yin kutishadi. Bu har doim ham amalga oshmaydi.

Men koronavirusga chalinganidan keyingi birinchi uchrashuvimni o‘tkazdik va so‘nggi 20 daqiqada charchab qoldim" - dedi Rodri.