«Chelsi» hujumchisi Romelu Lukaku Tomas Tuxel jamoasi bilan yana ishlashga qaytdi. «Ko‘klar» matbuot xizmati xabariga ko‘ra, bugungi mashg‘ulotda Lukaku ham ishtirok etgan.
Eslatib o‘tamiz, Romelu «Liverpul»ga (2:2) qarshi o‘yin oldidan qaydnomadan olib tashlangan edi. Belgiyalik futbolchi Italiya matbuotiga bergan intervyusida Tuxel haqida nomaqbul gaplar aytgan.
Hozircha Lukakuning bu borada «kechirilishi» va «Tottenxem»ga qarshi Liga kubok 1/2 final o‘yinida ishtirok etishiga ruxsat berilmagan.
Eslatib o‘tamiz, uchrashuv 5 yanvar kuni bo‘lib o‘tadi.
