Xitoy Xalq Respublikasi Raisi Si Szinpin yaqinlashib kelayotgan Pekin-2022 qishki Olimpiya o‘yinlariga tayyorgarlik jarayoni bilan tanishdi. Tashrif davomida u musobaqa uchun yangi qurilgan konkida yugurish stadioni, asosiy matbuot markazi, Olimpiya shaharchasida bo‘lib, sportchilar va mehmonlar uchun yaratilgan sharoitlar bilan tanishdi.
“Yana bir oy astoydil harakat qilaylik. Aytganimdek, birdamlik muvaffaqiyat garovi. Qishki Olimpiya o‘yinlarini muvaffaqiyatli o‘tkazish uchun barcha sa’yi-harakatlarni amalga oshirishimiz kerak. Bu o‘yinlar “yashil” (ekologiya ma’nosida), sodda va xavfsiz g‘oyamizni aks ettirishga imkon beradi”, – deya davlat rahbaridan iqtibos keltirmoqda “Insidethegames” nashri.
Eslatib o‘tamiz, Pekin-2022 qishki Olimpiya o‘yinlari 4-20 fevral kunlari bo‘lib o‘tadi.
