"Chelsi" ustozi Tomas Tuxel jamoa futbolchisi Tiagu Silva haqida fikr bildirdi. U shunday deydi:
"Men uning formada bo‘lish uchun qanchalik qattiq ter to‘kishini yaxshi bilaman. Shuningdek, Tiagu jarohatidan tuzalish uchun juda ko‘p kuch sarfladi. Bunda u uyqu hamda oziqlanishni qattiq nazorat bilan olib bordi. Biz Silvaning jamoamizda ekanidan juda xursandmiz. U jamoa bilan birga ekanida menda xavotir biroz kam bo‘ladi. Chunki u tajribali va nima qilishni yaxshi biladi. Uning formada ekani avvalo biz uchun, keyin esa o‘zi uchun yaxshi".
Eslatib o‘tamiz, Tiagu Silva hozirda 37 yoshda. U "Chelsi" bilan yana bir yillik shartnoma imzolagan.
