"Челси" устози Томас Тухель жамоа футболчиси Тиагу Силва ҳақида фикр билдирди. У шундай дейди:
"Мен унинг формада бўлиш учун қанчалик қаттиқ тер тўкишини яхши биламан. Шунингдек, Тиагу жароҳатидан тузалиш учун жуда кўп куч сарфлади. Бунда у уйқу ҳамда озиқланишни қаттиқ назорат билан олиб борди. Биз Силванинг жамоамизда эканидан жуда хурсандмиз. У жамоа билан бирга эканида менда хавотир бироз кам бўлади. Чунки у тажрибали ва нима қилишни яхши билади. Унинг формада экани аввало биз учун, кейин эса ўзи учун яхши".
Эслатиб ўтамиз, Тиагу Силва ҳозирда 37 ёшда. У "Челси" билан яна бир йиллик шартнома имзолаган.