“Atletiko” hamon “Lill”ning o‘ng qanot himoyachisi Zeki Chelikka qiziqish bildirmoqda.

Madrid klubi 24 yoshli turkiyalik futbolchini “Nyukasl”ga o‘tishga yaqin turgan Kiran Trippyerga o‘rinbosar sifatida ko‘rmoqda. 

Bir yarim yildan so‘ng Chelik erkin agentga aylanishi mumkin, uning transferi 10 million yevrodan sal ko‘proqqa baholanmoqda.

Futbolchining o‘zi “Atletiko”ga o‘tishga tayyor, ammo klub hali unga va “Lill”ga hech qanday taklif bilan chiqqani yo‘q.

Shuningdek, madridliklarning qisqa ro‘yxatidan Nelson Semedu (“Vulverxempton”) va Pedro Porro (“Sporting”) joy olgan.

Bundan tashqari, “Atletiko” Nordi Mukiyele (“RB Leypsig”), Djibril Sidibe (“Monako”) va Jovanni Di Lorenso (“Napoli”) kabi variantlarni ko‘rib chiqmoqda.