"Granada" bosh murabbiyi Robert Moreno Ispaniya chempionati 20-turidan o‘rin olgan "Barselona"ga qarshi o‘yin oldidan raqib jamoa haqida fikr bildirdi.

"Barselona"ning ko‘plab jarohat olgan futbolchilari qaytishdi, ammo ba’zilari haligacha yetishmayapti, lekin jamoadagi futbolchilarning barchasi yuqori saviyadagi futbolchilar. Ularda ajoyib o‘yinchilar va ajoyib murabbiy bor va ularni mag‘lub etish juda qiyin bo‘ladi.

Xavi o‘yinchi sifatida qanday bo‘lgan bo‘lsa, "Barselona" uchun huddi shunday mukammal murabbiy, chunki u o‘ziga xos, qiyin paytlarda ham atrofdagilarni doimo qo‘llab-quvvatlaydi. Unda "Barsa" DNKsi bor", - dedi mutaxassis.

Eslatib o‘tamiz, "Granada" – "Barselona" uchrashuvi bugun Toshkent vaqti bilan 22:30 da start oladi.