"Arsenal" bosh murabbiyi Mikel Arteta yangi hujumchi bilan shartnoma imzolash rejalari haqida gapirdi. Shuningdek, u yarim himoyachi Jek Uilshir bilan shartnoma imzolash imkoniyatini ham rad etdi.
"Biz yangi hujumchi bilan shartnoma imzolashga tayyormiz. Buni yanvarda yoki yozda qila olishimiz, boshqa savol, lekin biz izlanishda davom etyapmiz. Biz muzokaralar uchun ochiqmiz”, - deya murabbiyning so‘zlaridan iqtibos keltiradi jurnalist Fabrisio Romano.
Ma’lumot uchun, "Arsenal" Premyer-ligada 20 o‘yindan so‘ng to‘rtinchi o‘rinni egallab turibdi. Jamoa hisobida 35 ochko bor.