«Kristal Pelas» ustozi Patrik Viyeyra «burgutlar» safida kelishi mumkin bo‘lgan ikki futbolchi – Aaron Remzi va Eddi Nketiya haqidagi savolga javob berdi. Fransiyalik mutaxassis har qanday transferlar haqida gapirishga hali erta ekanligini aytdi.
"Remzining faoliyati va tajribasiga nazar tashlasangiz, u Premyer-ligadagi ko‘plab jamoalarni yaxshilay olishi aniq. Menga boshqa futbolchilar kabi bu futbolchi yoqadi. U ajoyib va menimcha, u Premyer-liga jamoalariga foyda keltira oladi. Nketia Aaron bilan bir xil. Aaron Premyer-ligaga qaytishni xohlayotganga o‘xshaydi.
Hozir bu futbolchilar haqida hech narsa deya olmayman, biz uchun bor etiborni bor futbolchilarga qaratish juda muhim. Biz har doim jamoani yaxshilashga intilamiz, lekin siz aytgan ikki nom... Ular yaxshi o‘yinchilar, bunga shubha yo‘q, lekin ayni damda biz bor e’tiborni bugungi o‘yinga qaratganmiz”, - dedi Viyeyra.
