«Кристал Пэлас» устози Патрик Виейра «бургутлар» сафида келиши мумкин бўлган икки футболчи – Аарон Ремзи ва Эдди Нкетия ҳақидаги саволга жавоб берди. Франциялик мутахассис ҳар қандай трансферлар ҳақида гапиришга ҳали эрта эканлигини айтди.
"Ремзининг фаолияти ва тажрибасига назар ташласангиз, у Премьер-лигадаги кўплаб жамоаларни яхшилай олиши аниқ. Менга бошқа футболчилар каби бу футболчи ёқади. У ажойиб ва менимча, у Премьер-лига жамоаларига фойда келтира олади. Нкетиа Аарон билан бир хил. Аарон Премьер-лигага қайтишни хоҳлаётганга ўхшайди.
Ҳозир бу футболчилар ҳақида ҳеч нарса дея олмайман, биз учун бор этиборни бор футболчиларга қаратиш жуда муҳим. Биз ҳар доим жамоани яхшилашга интиламиз, лекин сиз айтган икки ном... Улар яхши ўйинчилар, бунга шубҳа йўқ, лекин айни дамда биз бор эътиборни бугунги ўйинга қаратганмиз”, - деди Виейра.