9 yanvar kuni futbol bo‘yicha Afrika kubogi bahslariga start beriladi. 2021 yil yakunida bo‘lib o‘tishi kerak bo‘lgan turnir bir necha bor turli sabablarga ko‘ra qoldirilgach mana endi Kamerun - Burkina-Faso o‘yini bilan boshlanadi.

Ushbu musobaqaning amaldagi g‘olibi Jazoir terma jamoasi hisoblanadi. Riyod Mahrez yurtdoshlari bu galgi turnirda ham asosiy favoritlar qatorida turibdi. Umuman mutaxassislar fikricha, bu safar Senegal terma jamoasining chempionlik uchun imkoniyatlari yuqori. Yana Misr, Kamerun, Kot-d'Ivuar, Marokash va Nigeriya singari jamoalar ham favoritlar qatorida mavjud.

Guruhlar.

"A": Burkina-Faso, Kamerun, Kabo-Verde, Efiopiya.

"V": Gvineya, Zimbabve, Malavi, Senegal.

"S": Gabon, Gana, Kamor orollari, Marokash,

"D": Gvineya-Bisau, Misr, Nigeriya, Sudan.

"E": Jazoir, Kot-d'Ivuar, Syerra-Leone, Ekvatorial Gvineya.

"F": Gambiya, Mavritaniya, Mali, Tunis

Formatga ko‘ra, o‘z guruhlarida birinchi va ikkinchi o‘rinni egallagan jamoalardan tashqari uchinchi o‘rinni olganlardan eng yaxshi ko‘rsatkich qayd etgan 4 jamoa pley-off ishtirokchisi bo‘ladi.

Yulduzlar

SENEGAL: Eduard Mendi (Chelsi), Kalidu Kulibali (Napoli), Abdu Diallo (PSJ), Buna Sarr (Bavariya), Sadio Mane (Liverpul)

MISR: Muhammad Saloh (Liverpul), Muhammad el-Neni (Arsenal)

MAROKASH: Ashraf Hakimiy (PSJ), Yassin Bunu, Munir el-Hadadiy va Yusuf en-Neseriy (Sevilya)

GANA: Tomas Parti (Arsenal)

GVINEYA: Nabi Keyta (Liverpul)

GABON: Pyer Emerik Obameyang (Arsenal)

NIGERIYA: Kalechi Ixianacho (Lester), Viktor Osimxen (Napoli)

KOT-D'IVUAR: Serj Orye (Vilyarreal), Erik Bayi (MYU), Frank Kessye (Milan), Nikolya Pepe (Arsenal), Sebastyan Aller (Ayaks)

KAMERUN: Erik Shupo Moting (Bavariya)

23 yanvar kunidan boshlab pley-off o‘yinlari boshlanadi. Final 6 fevral sanasiga mo‘ljallangan.

Turnir ko‘plab yangi nomlarni taqdim etishi ham kutilmoqda. Kuzatib bilib olamiz.

Orif Tolipov.