Afrika Millatlar kubogining ochilish uchrashuvi o‘tkazilmasligi mumkin. Xabarlarga ko‘ra, turnirning ilk bahsida mezbon Kamerunga qarshi maydonga tushishi kerak bo‘lgan Burkina Faso terma jamoasida koronavirus holatlari qayd etilgan.

Qayd etilishicha, kecha o‘tkazilgan tekshiruvlarda jamoaning jami 9ta a’zosida, jumladan 5ta asosiy tarkib futbolchisi va bosh murabbiy Kamu Maloda infeksiya qayd qilingan.

Ammo burkina fasoliklar bu natijalarga ishonishmagan. Shu sabab Burkina Faso Futbol birlashmasi Afrika Futbol assosiasiyasiga xat yozgan.

Unda dastlabki test natijalari yolg‘on bo‘lishi mumkinligi, virusga testni qaytadan topshirish kerakligi, aks holda turnirni boykott qilinishi aytib o‘tilgan. Shuningdek, qaytadan olinadigan test mustaqil ekspertlar jamoasi tomonidan o‘tkazilishi talab qilingan.

Eslatib o‘tamiz, Afrika chempionati bugun Toshkent vaqri bilan 21:00da start olishi belgilangan.