Африка Миллатлар кубогининг очилиш учрашуви ўтказилмаслиги мумкин. Хабарларга кўра, турнирнинг илк баҳсида мезбон Камерунга қарши майдонга тушиши керак бўлган Буркина Фасо терма жамоасида коронавирус ҳолатлари қайд этилган.
Қайд этилишича, кеча ўтказилган текширувларда жамоанинг жами 9та аъзосида, жумладан 5та асосий таркиб футболчиси ва бош мураббий Каму Малода инфекция қайд қилинган.
Аммо буркина фасоликлар бу натижаларга ишонишмаган. Шу сабаб Буркина Фасо Футбол бирлашмаси Африка Футбол ассоциациясига хат ёзган.
Унда дастлабки тест натижалари ёлғон бўлиши мумкинлиги, вирусга тестни қайтадан топшириш кераклиги, акс ҳолда турнирни бойкотт қилиниши айтиб ўтилган. Шунингдек, қайтадан олинадиган тест мустақил экспертлар жамоаси томонидан ўтказилиши талаб қилинган.
Эслатиб ўтамиз, Африка чемпионати бугун Тошкент вақри билан 21:00да старт олиши белгиланган.
