“Manchester Yunayted” yarimhimoyachisi Bruno Fernandesh faoliyatini “Barselona”da davom ettirishi mumkinligi haqidagi mish-mishlarga javob berdi. Portugaliya matbuoti “Barsa” vakillari allaqachon Fernandeshning agentlari bilan muzokaralar olib borayotganini yozgan.
“G‘alati, yangi yil yaqinda keldi, lekin aprelning birinchi kunidagidek xabar paydo bo‘ldi”, dedi Fernandesh.
Ma’lumot o‘rnida, Bruno Fernandeshning “Manchester Yunayted” bilan shartnomasi 2025 yilning o‘rtalariga qadar tuzilgan. Joriy mavsumda portugaliyalik futbolchi 24 ta o‘yin o‘tkazib, 5 ta gol va 9 ta golli uzatmani shaxsiy hisobiga yozdirib qo‘ygan.
