“Манчестер Юнайтед” яримҳимоячиси Бруно Фернандеш фаолиятини “Барселона”да давом эттириши мумкинлиги ҳақидаги миш-мишларга жавоб берди. Португалия матбуоти “Барса” вакиллари аллақачон Фернандешнинг агентлари билан музокаралар олиб бораётганини ёзган. 

“Ғалати, янги йил яқинда келди, лекин апрелнинг биринчи кунидагидек хабар пайдо бўлди”, деди Фернандеш.

Маълумот ўрнида, Бруно Фернандешнинг “Манчестер Юнайтед” билан шартномаси 2025 йилнинг ўрталарига қадар тузилган. Жорий мавсумда португалиялик футболчи 24 та ўйин ўтказиб, 5 та гол ва 9 та голли узатмани шахсий ҳисобига ёздириб қўйган.