Kecha, 8 yanvar kuni “Valensiya” “Real”ga qarshi o‘yinda yetarlicha qarshilik ko‘rsata olmadi va safarda 1:4 hisobida mag‘lub bo‘ldi. O‘yinning asosiy epizodi o‘yin davomida berilgan bahsli penalti bo‘lib, klub matbuot xizmati rasmiy tvitterda buni hakamning xatosi deb atadi. 

Football Espana portali “ko‘rshapalaklar” e’lon qilingan post uchun jazolanishi mumkinligiga ishora qilmoqda. Manbaning xabariga ko‘ra, Ispaniya futbol assosiasiyasi (RFEF) “Valensiya”ga uch ming yevro miqdorida jarima solishi mumkin.

E’tiborlisi, ko‘pchilik mutaxassislar o‘yindan keyin hakamning yuqoridagi epizodda qabul qilgan qarori to‘g‘riligini, Kazemiroga nisbatan qo‘pollik ishlatilganini tasdiqladi.