Кеча, 8 январь куни “Валенсия” “Реал”га қарши ўйинда етарлича қаршилик кўрсата олмади ва сафарда 1:4 ҳисобида мағлуб бўлди. Ўйиннинг асосий эпизоди ўйин давомида берилган баҳсли пенальти бўлиб, клуб матбуот хизмати расмий твиттерда буни ҳакамнинг хатоси деб атади.
Football Espana портали “кўршапалаклар” эълон қилинган пост учун жазоланиши мумкинлигига ишора қилмоқда. Манбанинг хабарига кўра, Испания футбол ассоциацияси (RFEF) “Валенсия”га уч минг евро миқдорида жарима солиши мумкин.
Эътиборлиси, кўпчилик мутахассислар ўйиндан кейин ҳакамнинг юқоридаги эпизодда қабул қилган қарори тўғрилигини, Каземирога нисбатан қўполлик ишлатилганини тасдиқлади.
