Angliya Premyer-ligasining rasmiy sayti xabariga ko‘ra, "Everton" - "Lester" uchrashuvi boshqa sanaga qoldirildi. O‘yin 11 yanvar kuni "Gudison Park"da bo‘lib o‘tishi kerak edi.
Qayd etilishicha, bahs “Lester”ning iltimosiga ko‘ra qoldirilgan. Jamoada koronavirus holatlari, jarohatlar, shuningdek, futbolchilarning Afrika Millatlar Kubogiga ketishi sababli pandemiya sharoitida o‘yin o‘tkazish uchun yetarli o‘yinchilarning minimal soni (13 ta maydon o‘yinchisi va bitta darvozabon) yo‘q.
Uchrashuvning yangi sanasi keyinroq aniqlanadi.