Англия Премьер-лигасининг расмий сайти хабарига кўра, "Эвертон" - "Лестер" учрашуви бошқа санага қолдирилди. Ўйин 11 январь куни "Гудисон Парк"да бўлиб ўтиши керак эди.
Қайд этилишича, баҳс “Лестер”нинг илтимосига кўра қолдирилган. Жамоада коронавирус ҳолатлари, жароҳатлар, шунингдек, футболчиларнинг Африка Миллатлар Кубогига кетиши сабабли пандемия шароитида ўйин ўтказиш учун етарли ўйинчиларнинг минимал сони (13 та майдон ўйинчиси ва битта дарвозабон) йўқ.
Учрашувнинг янги санаси кейинроқ аниқланади.
