«Norvich» sobiq bosh murabbiyi Daniel Farke «Krasnodar»ni boshqarishi mumkin.
«Buqalar» ayni dam 45 yoshli germaniyalik murabbiy bilan shartnoma shartlarini muhokama qilmoqda, muzokaralar yuqori bosqichda, deb xabar bermoqda rus manbalari.
Ayni damda Farke «Krasnodar» uchun asosiy nomzod bo‘lib turibdi.
Murabbiy ingliz klubida taxminan to‘rt yil ishlagandan so‘ng o‘tgan yilning noyabr oyida «Norvich»ni tark etgan edi. Bungacha u Dortmundning «Borussiya» klubi ikkinchi jamoasini boshqargan.
Eslatib o‘tamiz, «Krasnodar» bosh murabbiyligi posti 5 yanvar kuni sodir bo‘lgan Viktor Goncharenkoning iste’fosidan so‘ng bo‘shab qoldi. RPLning 18-turidan so‘ng klub 29 ochko bilan turnir jadvalida 5-o‘rinda bormoqda.
