«Норвич» собиқ бош мураббийи Даниэль Фарке «Краснодар»ни бошқариши мумкин.
«Буқалар» айни дам 45 ёшли германиялик мураббий билан шартнома шартларини муҳокама қилмоқда, музокаралар юқори босқичда, деб хабар бермоқда рус манбалари.
Айни дамда Фарке «Краснодар» учун асосий номзод бўлиб турибди.
Мураббий инглиз клубида тахминан тўрт йил ишлагандан сўнг ўтган йилнинг ноябрь ойида «Норвич»ни тарк этган эди. Бунгача у Дортмунднинг «Боруссия» клуби иккинчи жамоасини бошқарган.
Эслатиб ўтамиз, «Краснодар» бош мураббийлиги пости 5 январь куни содир бўлган Виктор Гончаренконинг истеъфосидан сўнг бўшаб қолди. РПЛнинг 18-туридан сўнг клуб 29 очко билан турнир жадвалида 5-ўринда бормоқда.
