"Ayaks" "Shaxtyor"ning hujumchi David Neresni sotish bo‘yicha taklifini qabul qildi, deb xabar beradi Meta-ratings.com.ua.
Manbaning yozishicha, muzokaralar deyarli yakuniy bosqichda, kelishuv yaqin orada yakunlanishi kerak. Futbolchining o‘zi esa Turkiyadagi ilk yig‘inda Roberto De Dzerbi jamoasiga qo‘shilishga ulgurishi mumkin. Transfer summasi 15 million yevro atrofida bo‘ladi.
24 yoshli braziliyalik futbolchi joriy mavsumda “Ayaks” safida barcha turnirlar doirasida 22 ta o‘yin o‘tkazib, 4 ta gol va 2 ta golli uzatmaga mualliflik qilgan. Uning amaldagi shartnomasi 2023 yilning 30 iyuniga qadar mo‘ljallangan. Transfermarkt futbolchini 20 million yevroga baholamoqda.
