"Аякс" "Шахтёр"нинг ҳужумчи Давид Нересни сотиш бўйича таклифини қабул қилди, деб хабар беради Meta-ratings.com.ua.
Манбанинг ёзишича, музокаралар деярли якуний босқичда, келишув яқин орада якунланиши керак. Футболчининг ўзи эса Туркиядаги илк йиғинда Роберто Де Дзерби жамоасига қўшилишга улгуриши мумкин. Трансфер суммаси 15 миллион евро атрофида бўлади.
24 ёшли бразилиялик футболчи жорий мавсумда “Аякс” сафида барча турнирлар доирасида 22 та ўйин ўтказиб, 4 та гол ва 2 та голли узатмага муаллифлик қилган. Унинг амалдаги шартномаси 2023 йилнинг 30 июнига қадар мўлжалланган. Трансфермаркт футболчини 20 миллион еврога баҳоламоқда.
