"Manchester Yunayted" Angliya kubogi 3-bosqichidan o‘rin olgan uchrashuvda "Aston Villa"ni mag‘lub etdi (1:0).
"Manchester Yunayted" bosh murabbiyi Ralf Rangnik uchun bu o‘yin murabbiylik lavozimiga tayinlanganidan keyin yetti o‘yindagi to‘rtinchi g‘alabasi bo‘ldi. Shuningdek, u bilan jamoa ikki marta durang o‘ynadi va bir marta mag‘lub bo‘ldi.
“Yunayted” avvalroq APLda “Kristal Pelas” (1:0), “Norvich” (1:0) va “Byornli” (3:1) klublarini mag‘lub etgan, Chempionlar ligasida “Yang Boyz” (1:1) va Premyer-ligada “Nyukasl” (1:1) bilan durang o‘ynagan. Klub «Vulverxempton»dan mag‘lub bo‘lgan (0:1).
