"Манчестер Юнайтед" Англия кубоги 3-босқичидан ўрин олган учрашувда "Астон Вилла"ни мағлуб этди (1:0).
"Манчестер Юнайтед" бош мураббийи Ральф Рангник учун бу ўйин мураббийлик лавозимига тайинланганидан кейин етти ўйиндаги тўртинчи ғалабаси бўлди. Шунингдек, у билан жамоа икки марта дуранг ўйнади ва бир марта мағлуб бўлди.
“Юнайтед” аввалроқ АПЛда “Кристал Пэлас” (1:0), “Норвич” (1:0) ва “Бёрнли” (3:1) клубларини мағлуб этган, Чемпионлар лигасида “Янг Бойз” (1:1) ва Премьер-лигада “Ньюкасл” (1:1) билан дуранг ўйнаган. Клуб «Вулверхэмптон»дан мағлуб бўлган (0:1).
