«Arsenal» afsonasi Ian Rayt jamoa futbolchisini tanqid ostiga oldi. U Nuno Tavareshning «Forest»ga qarshi bahsida qilgan hatti-harakatini qoraladi:
«Tavaresh Artetaga xush kelmagan harakatlarni qilib, jamoaga hurmatsizlik ko‘rsatdi. U o‘zi ko‘rsatgan o‘yin bilan bunday qilmasligi kerak edi. Avvalo, uning o‘zi o‘yinni juda yomon boshladi. Almashtirilganida esa, o‘z qo‘lqoplarini otib yuborish orqali norozilik namoyish qildi. Bu o‘ta noto‘g‘ri harakat edi».
Eslatib o‘tamiz, «Arsenal» 13 yanvar kuni liga kubogi doirasida «Liverpul» bilan to‘qnash keladi.
