«Liverpul» darvozaboni jamoani tark etishga yaqin turibdi. Xabarlarga ko‘ra, Loris Karius ijara asosida boshqa jamoaga o‘tishi mumkin.
Bu haqida klub darvozabonlar murabbiyi Jon Achterverg shunday deydi:
«Bu borada uning agenti va klub rahbariyati yechim qidirmoqda. Bu oyda biz masalaga oydinlik kiritib olamiz. Yana olti oy zahira o‘rindig‘ida o‘tirish hech kimga yordam bermaydi. Bu futbolchini o‘sishini qiyinlashtiradi. Karius o‘z qobiliyatidan faoliyatini davom ettirishda foydalanishi kerak. Loris juda sifatli darvozabon. Men unga ishonaman».
Karius 2018 yildan beri ikki mavsumda «Berlin» hamda «Beshiktosh»da ijara asosida to‘p tepgan edi.
