Yarim himoyachi Isko amaldagi shartnomasi oxirigacha "Real"da qolish niyatida.
"Marca" nashri xabariga ko‘ra, futbolchi Madrid klubi u bilan shartnomani uzaytirmoqchi emasligini biladi. "Real" unga bir necha bor ketishni taklif qilgan, biroq ispaniyalik barcha takliflarni rad etgan.
Bir muddat avval bir qancha klublar Isko bilan vositachilar orqali yoki to‘g‘ridan-to‘g‘ri uning vaziyatini bilish uchun bog‘lanishgan. Biroq yarim himoyachi mavsum oxirigacha "Real"da qolishini aniq aytib o‘tdi. U qishda boshqa klubga ketmaydi, garchi u juda kam o‘yin amaliyotiga ega bo‘lishini bilsa-da.
