Angliya klubi rasmiy sayti xabariga ko‘ra, “Barselona”dan “Aston Villa”ga o‘tgan yarimhimoyachisi Filippe Koutino Birmingemga yetib keldi.
Manbaga ko‘ra, futbolchi allaqachon klubning mashg‘ulot bazasiga tashrif buyurgan. Shuningdek, braziliyalik futbolchi Aston Villada qaysi raqamda o‘ynash bo‘yicha ham qaror qabul qildi. Koutinyo orqasida 23-raqam bilan o‘ynaydi.
Oldinroq Koutinyo 15 yanvar kuni bo‘lib o‘tadigan “Manchester Yunayted” bilan Angliya Premyer-ligasining 22-tur uchrashuvida “sherlar” safida debyut qilishi mumkinligi malum bo‘lgandi.
Ommaviy axborot vositalarida futbolchi bilan tuzilgan bitimda qaytarib sotib olish opsiyasi borligi haqida xabar berilgan. “Barselona” braziliyalik futbolchining maoshining bir qismini to‘laydi. Eslatib o‘tamiz, “Aston Villa” bosh murabbiyi Stiven Jerrard va Koutinyo “Liverpul”da birga o‘ynashgan.
