Англия клуби расмий сайти хабарига кўра, “Барселона”дан “Астон Вилла”га ўтган яримҳимоячиси Филиппе Коутино Бирмингемга етиб келди.
Манбага кўра, футболчи аллақачон клубнинг машғулот базасига ташриф буюрган. Шунингдек, бразилиялик футболчи Астон Виллада қайси рақамда ўйнаш бўйича ҳам қарор қабул қилди. Коутиньо орқасида 23-рақам билан ўйнайди.
Олдинроқ Коутиньо 15 январь куни бўлиб ўтадиган “Манчестер Юнайтед” билан Англия Премьер-лигасининг 22-тур учрашувида “шерлар” сафида дебют қилиши мумкинлиги малум бўлганди.
Оммавий ахборот воситаларида футболчи билан тузилган битимда қайтариб сотиб олиш опцияси борлиги ҳақида хабар берилган. “Барселона” бразилиялик футболчининг маошининг бир қисмини тўлайди. Эслатиб ўтамиз, “Астон Вилла” бош мураббийи Стивен Жеррард ва Коутиньо “Ливерпуль”да бирга ўйнашган.
