“Chelsi” bosh murabbiyi Tomas Tuxel “Tottenxem” bilan o‘yindan oldingi matbuot anjumanida himoyachi Antonio Ryudigerni klub bilan iyun oyida tugaydigan shartnomasini yangilashga ko‘ndirmasligini aytdi.
“Menimcha, Ryudigerni kofega taklif qilish va shartnoma imzolashga ko‘ndirish kerak emas. U haqiqiy professional, uning shartnomasi bilan bog‘liq masala to‘g‘ri qo‘llarda. Men bu vaziyatda muammo ko‘rmayapman”, dedi Tuxel.
Eslatib o‘tamiz, avvalroq matbuotda Ryudiger yozda erkin agent sifatida “Real”ga o‘tishi mumkinligi haqida xabarlar tarqalgan edi. Himoyachi joriy mavsumda APLda 20 ta o‘yin o‘tkazib, 2 ta gol urishga muvaffaq bo‘ldi.
