“Челси” бош мураббийи Томас Тухель “Тоттенхэм” билан ўйиндан олдинги матбуот анжуманида ҳимоячи Антонио Рюдигерни клуб билан июнь ойида тугайдиган шартномасини янгилашга кўндирмаслигини айтди.

“Менимча, Рюдигерни кофега таклиф қилиш ва шартнома имзолашга кўндириш керак эмас. У ҳақиқий профессионал, унинг шартномаси билан боғлиқ масала тўғри қўлларда. Мен бу вазиятда муаммо кўрмаяпман”, деди Тухель.

Эслатиб ўтамиз, аввалроқ матбуотда Рюдигер ёзда эркин агент сифатида “Реал”га ўтиши мумкинлиги ҳақида хабарлар тарқалган эди. Ҳимоячи жорий мавсумда АПЛда 20 та ўйин ўтказиб, 2 та гол уришга муваффақ бўлди.