«Manchester Yunayted»ning sobiq hujumchisi Erik Kantona Qatarda bo‘lib o‘tadigan Jahon chempionatiga munosabati haqida gapirdi.

«To‘g‘risini aytsam, keyingi jahon chempionatiga unchalik qiziqmayman, bu men uchun haqiqiy jahon chempionati emas. So‘nggi o‘n yilliklarda biz rivojlanayotgan mamlakatlarda ko‘plab turnirlarni o‘tkazdik, masalan, Rossiya yoki Xitoyda Olimpiya o‘yinlari va jahon chempionatlari. Ammo Qatar futbol mamlakati emas. 90 yillardagi JAR yoki AQSHdagi kabi futbolni rivojlantirish va ommalashtirish imkoniyati mavjud mamlakatda jahon chempionati o‘tkazilishiga qarshi emasman.

Futbol Qo‘shma Shtatlardagi eng mashhur ayollar sporti bo‘lib, Janubiy Amerikadan ko‘plab muhojirlar bor va bu sport rivojlanish uchun katta imkoniyatlarga ega. Ammo Qatarda bunday salohiyat yo‘q. Hech narsa mavjud emas. Menimcha, gap faqat pulda.

Bu pul va uning stadionlarni qurgan odamlarga qanday munosabatda bo‘lishi haqida. Bu dahshatli. Minglab odamlar halok bo‘ldi. Va shunga qaramay, biz ushbu jahon chempionatidan xursand bo‘lamiz.

Shaxsan men Qatardagi jahon chempionatini ko‘rmayman. Futbol bu biznes ekanligini tushunaman», - deydi sobiq futbolchi.