Rustam Umarov (AGMK futzal jamoasi sardori, darvozabon) “Lokomotiv” bilan bo‘lib o‘tadigan o‘yindan oldin fikrlari.

- Navbatdagi turda bizni juda ham og‘ir o‘yin kutib turibdi. Chempionlik uchun kurash bo‘ladigan o‘yinlardan biri bo‘ladi, desa ham bo‘ladi. Ochkolarini saqlab qola olgan jamoa yakunda chempion bo‘lish ehtimoli yuqori bo‘ladi.

O‘tgan turda “Lokomotiv” bilan bahs olib borib, g‘alaba qozondik. Raqibimiz ushbu mag‘lubiyat uchun bizdan revansh olishga urinadi.

Jamoamizda ikkita jarohatlangan o‘yinchi bor. Avaz Abduvaliyev va Muzaffar Ahadjonov “Lokomotiv” bilan uchrashuvni o‘tkazib yuboradi. Zaxira o‘rindig‘imiz katta emas. Shuning uchun ikkita to‘liq to‘rttalik tarkib bilan maydonga tushamiz.

“Lokomotiv” joriy mavsumda biz bilan kechgan uchrashuvgacha ochko yo‘qotishlarsiz borayotgan edi. Ushbu uchrashuv kim kuchliligini ko‘rsatib berdi.

Bellashuv juda qiziq o‘tadi. Muxlislarni “Yunusobod” arenasiga kelib, o‘z jamoalarini qo‘llab-quvvatlashga chorlayman.