Рустам Умаров (АГМК футзал жамоаси сардори, дарвозабон) “Локомотив” билан бўлиб ўтадиган ўйиндан олдин фикрлари.

- Навбатдаги турда бизни жуда ҳам оғир ўйин кутиб турибди. Чемпионлик учун кураш бўладиган ўйинлардан бири бўлади, деса ҳам бўлади. Очколарини сақлаб қола олган жамоа якунда чемпион бўлиш эҳтимоли юқори бўлади.

Ўтган турда “Локомотив” билан баҳс олиб бориб, ғалаба қозондик. Рақибимиз ушбу мағлубият учун биздан реванш олишга уринади.

Жамоамизда иккита жароҳатланган ўйинчи бор. Аваз Абдувалиев ва Музаффар Аҳаджонов “Локомотив” билан учрашувни ўтказиб юборади. Захира ўриндиғимиз катта эмас. Шунинг учун иккита тўлиқ тўртталик таркиб билан майдонга тушамиз.

“Локомотив” жорий мавсумда биз билан кечган учрашувгача очко йўқотишларсиз бораётган эди. Ушбу учрашув ким кучлилигини кўрсатиб берди.

Беллашув жуда қизиқ ўтади. Мухлисларни “Юнусобод” аренасига келиб, ўз жамоаларини қўллаб-қувватлашга чорлайман.