Xabaringiz bor, kecha yarim himoyachi Dilshod Jo‘rayev “Bunyodkor” bilan ikki yillik shartnoma imzolagani haqida ma’lumot bergan edik. Biz futbolchimizning fikrlari bilan qiziqdik.
- Katta futbolga aynan “Bunyodkor” orqali qadam qo‘yganman. Aynan shu jihat jamoaga qaytishimga asosiy sabab bo‘ldi. Ich-ichimdan “Bunyodkor”ga qaytishni istadim. Yana bir sabab shuki, AGMK safida o‘zim xohlagandek o‘yin amaliyotiga ega bo‘lmadim. Futbolchi o‘sishi uchun maydonga tushishi kerak. Bu muhim jihat. Qolgan narsalar ikkinchi darajali bo‘lishi lozim.
“Bunyodkor”ga klub direktori Ulug‘bek Mirzayev va bosh murabbiy Shuhrat Maqsudov taklif qildi. Ularning bu ishonchi uchun minnatdorchilik bildiraman va umid qilamanki, o‘z o‘yinlarim bilan bildirilgan ishonchni to‘liq oqlayman!
Jamoa bilan ikki yillik shartnoma imzoladim. O‘ylashimcha, uzoq yillik shartnomalar futbolchi uchun ham klub uchun ham foydali bo‘ladi.
