Xabaringiz bor, "Nasaf" yangi mavsumga tayyorgarlikni Qarshi shahrida olib borishmoqda.
MTJ ga taklif etilgan futbolchilarni o‘rnini to‘ldirish va yoshlarni sinovdan o‘tkazish maqsadida jamoamiz bosh murabbiyi Ro‘ziqul Berdiyev yoshlar jamoasi vakillarini ham mashg‘ulotlarga jalb etgan.
O‘tgan mavsumda Toshkentning "Paxtakor" jamoasi safida to‘p surgan Sharof Muhitdinov ham jamoamiz mashg‘ulotlariga kelib qo‘shilgan.
"Ajdarlar" ertaga yangi mavsumga tayyorgarlik doirasida Buxoroning "Buxoro" jamoasi bilan nazorat uchrashuvida maydonga tushadi. Bellashuv ertaga soat 14:00 da "Geolog" stadionida bo‘lib o‘tadi.
"Nasaf" futbol klubi matbuot xizmati