Хабарингиз бор, "Насаф" янги мавсумга тайёргарликни Қарши шаҳрида олиб боришмоқда.
МТЖ га таклиф этилган футболчиларни ўрнини тўлдириш ва ёшларни синовдан ўтказиш мақсадида жамоамиз бош мураббийи Рўзиқул Бердиев ёшлар жамоаси вакилларини ҳам машғулотларга жалб этган.
Ўтган мавсумда Тошкентнинг "Пахтакор" жамоаси сафида тўп сурган Шароф Муҳитдинов ҳам жамоамиз машғулотларига келиб қўшилган.
"Аждарлар" эртага янги мавсумга тайёргарлик доирасида Бухоронинг "Бухоро" жамоаси билан назорат учрашувида майдонга тушади. Беллашув эртага соат 14:00 да "Геолог" стадионида бўлиб ўтади.
"Насаф" футбол клуби матбуот хизмати