«Манчестер Сити»нинг норвегиялик ҳужумчиси Эрлинг Холанд жамоа Чемпионшипга туширилган тақдирда ҳам клубни бир томонлама тарк эта олмайди. Бу ҳақда Diario SPORT хабар берди.

Аввалроқ ОАВда Холанд «Манчестер Сити» молиявий қоидабузарликлар сабаб АПЛдан четлатилса, клубни тарк этишга қарор қилгани ҳақида хабарлар тарқалган эди.

Манба маълумотига кўра, 26 ёшли ҳужумчининг шартномасида жамоа Премьер-лигадан чиқариб юборилган тақдирда келишувни бир томонлама бекор қилиш ҳуқуқини берадиган банд йўқ.

Шу сабабли Холанднинг келажаги бўйича якуний қарор «Манчестер Сити» раҳбариятига боғлиқ бўлади.

Жорий мавсумда Холанд барча мусобақаларда 7 та ўйин ўтказиб, 7 та гол урди.

26 ёшли ҳужумчининг «Манчестер Сити» билан амалдаги шартномаси 2034 йилга қадар мўлжалланган.