Xabar berganimizdek, Bekobodning “Metallurg” jamoasi yangi mavsumga tayyorgarlikning birinchi siklini o‘z uyida boshladi. Dastlabki bosqich 20 yanvargacha davom etadi. Murabbiylar shtabi har kuni futbolchilarning jismoniy tayyorgarligini tiklash, to‘p bilan ishlash jarayonini mukammallashtirish maqsadida shahardagi “Sementchi” stadionida bir martalik mashg‘ulotlar olib borishayapti.
Bugun yig‘inning ikkinchi kuni “Metallurg” futbolchilari ertalabdan tibbiy ko‘rikdan o‘tishdi. Kunning ikkinchi yarmida esa mashg‘ulotlar davom ettirildi.