Mish-mishlarga ko‘ra, “Zenit” hujumchisi Serdar Azmun Federiko Kyezaning jiddiy jarohatidan keyin “Yuventus”ning “short-listi”ga kirgan. Ammo, bu malumotlarni “keksa sinyora” ustozi Massimiliano Allegrining agenti hisoblangan Jovanni Branchini inkor etdi.
“Menda ma’lumot yo‘q, lekin Azmun “Yuventus” qiziqayotgan futbolchilar orasida ekanligiga ishonchim komil emas. Men uning darajasini muhokama qilishga tayyor emasman. Azmun ko‘p yillar davomida o‘zini yaxshi ko‘rsatdi, lekin u hech qachon top-klublarda yoki top-ligada o‘ynamagan”, dedi Allegrining agenti.
Qo‘shimcha qilamizki, Serdar Azmunning “Zenit” bilan amaldagi shartnomasi mavsum oxirida yakuniga yetadi.
