Миш-мишларга кўра, “Зенит” ҳужумчиси Сердар Азмун Федерико Кьезанинг жиддий жароҳатидан кейин “Ювентус”нинг “шорт-листи”га кирган. Аммо, бу малумотларни “кекса синьора” устози Массимилиано Аллегрининг агенти ҳисобланган Жованни Бранчини инкор этди.
“Менда маълумот йўқ, лекин Азмун “Ювентус” қизиқаётган футболчилар орасида эканлигига ишончим комил эмас. Мен унинг даражасини муҳокама қилишга тайёр эмасман. Азмун кўп йиллар давомида ўзини яхши кўрсатди, лекин у ҳеч қачон топ-клубларда ёки топ-лигада ўйнамаган”, деди Аллегрининг агенти.
Қўшимча қиламизки, Сердар Азмуннинг “Зенит” билан амалдаги шартномаси мавсум охирида якунига етади.
